Ռոսսանո Բրացցի
![]() | |
---|---|
![]() | |
Ծնվել է | սեպտեմբերի 18, 1916[1][2] |
Ծննդավայր | Բոլոնիա[3] |
Մահացել է | դեկտեմբերի 24, 1994[1][2] (78 տարեկան) |
Մահվան վայր | Հռոմ, Իտալիա[3] |
Գերեզման | Ֆլամինիո գերեզմանատուն |
Քաղաքացիություն | ![]() ![]() |
Մասնագիտություն | դերասան, կինոռեժիսոր, երգիչ, կինոդերասան և հեռուստատեսային դերասան |
Անդամություն | Մասոնականություն |
neponset.com/brazzi/ | |
Ռոսսանո Բրացցի (իտալ.՝ Rossano Brazzi, սեպտեմբերի 18, 1916[1][2], Բոլոնիա[3] - դեկտեմբերի 24, 1994[1][2], Հռոմ, Իտալիա[3]), իտալացի դերասան։
Կենսագրություն
[խմբագրել | խմբագրել կոդը]Բրացցին ծնվել է 1916 թվականի սեպտեմբերի 18-ին Բոլոնյայում։ Նա որբացել է Բենիտո Մուսոլինիի բռնակալության ժամանակաշրջանում, երբ նրա ծնողները սպանվել են[4]։ Ուսանողական տարիներին, որ նա անցկացրել է Ֆլորենցիայում, սկսել է հետաքրքրվել թատրոնով և հանուն դերասանական կարիերայի որոշել է թողնել իրավաբանական կրթությունը։ Կինոյում առաջնաելույթ է ունեցել 1939 թվականին՝ նկարահանվելով «Սոկրատեսի դատն ու մահը» ֆիլմում։ Հիմնականում նա մարմնավորել է ռոմանտիկ կերպարներ և 1940-ականներին դարձել է իտալական կինեմատոգրաֆիայի ամենահայտնի աստղերից մեկը։ Երկրորդ համաշխարհային պատերազմի տարիներին նա Հռոմում աշխատում էր ընդդիմադիր խմբերում[5]։
Հետագա տարիներին Բրացցիի հայտնիությունը մարեց. նեոռեալիստական դրամայի տարածման տարիներին ռոմանտիկ ֆիլմերն այդքան էլ պահանջված չէին։ 1948 թվականին պրոդյուսեր Դեյվիդ Սելզնիկը Բրացցիին հրավիրեց Հոլիվուդ, որտեղ նկարահանվեց «Փոքրիկ կանայք» կինոնկարում։ Մեծ ճանաչում ձեռք բերեց 1954 թվականին շնորհիվ «Ոտաբոբիկ կոմսուհի» ֆիլմի, որտեղ խաղացել է Ավա Գարդների և Համֆրի Բոգարտի հետ՝ կատարելով իտալացի կոմսի դեր։ Նույն տարում նա նկարահանվել է «Երեք մետաղադրամ շատրվանում» ֆիլմում։ Մեկ տարի անց նկարահանվել է «Ամառ» մելոդրամայում, որը իտալացու և ամերիկուհու սիրո մասին է։ Այդ ֆիլմում նրա խաղընկերը Քեթրին Հեփբորնն էր։ 1958 թվականին խաղացել է «Խաղաղ օվկիանոսի հարավը» մյուզիքլի գլխավոր դերում[5]։
Իր դերասանական կարիերան նա շարունակել է մինչ մահը՝ խաղալով ավելի քան 200 ֆիլմում[5]։
1984 թվականին նրան սկսեցին կասկածել զենքի և թմրանյութի առքուվաճառքի մեջ։ Հետագայում բոլոր մեղադրանքները հանվել են[5]։
Բրացցին ամուսնացել է երկու անգամ։ Առաջին կինը եղել է Լիդիա Բերտոլինին, որը մահացել է 1981 թվականին։ Երկրորդ կինը եղել է Իսլա Ֆիշերը[4]։
Ռոսսանո Բրացցին մահացել է 1994 թվականի դեկտեմբերի 24-ին Հռոմում[5]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 filmportal.de — 2005.
- ↑ 3,0 3,1 3,2 3,3 3,4 3,5 Deutsche Nationalbibliothek Record #141088087 // Gemeinsame Normdatei (գերմ.) — 2012—2016.
- ↑ 4,0 4,1 Folkart, Burt A. (1994 թ․ դեկտեմբերի 27). «Rossano Brazzi, 78; Actor Starred in 'South Pacific'» (անգլերեն). Los Angeles Times. Վերցված է 2016 թ․ հունվարի 5-ին.
- ↑ 5,0 5,1 5,2 5,3 5,4 «Rossano Brazzi, Actor, 78; Romantic Leading Man of Films» (անգլերեն). Նյու Յորք Թայմս. 1994 թ․ դեկտեմբերի 27. Վերցված է 2016 թ․ հունվարի 5-ին.
![]() | Վիքիպահեստն ունի նյութեր, որոնք վերաբերում են «Ռոսսանո Բրացցի» հոդվածին։ |
|